Revanth Reddy : తెలంగాణ రాజకీయాల్లోనే కాదు, జాతీయ రాజకీయాల్లోనూ ఇప్పుడు ఒక ఆసక్తికర చర్చ నడుస్తోంది. అదే.. తెలంగాణ ముఖ్యమంత్రి ఎనుముల రేవంత్ రెడ్డి (Revanth Reddy) అమెరికా (America) పర్యటన. సాధారణంగా ముఖ్యమంత్రుల విదేశీ పర్యటనలు పెట్టుబడుల కోసమో లేదా ప్రవాస భారతీయులతో భేటీల కోసమో జరుగుతుంటాయి. కానీ, రేవంత్ రెడ్డి పర్యటన మాత్రం ఇందుకు భిన్నం. ఆయన ఒక విద్యార్థిగా మారి, ప్రపంచ ప్రఖ్యాతి గాంచిన హార్వర్డ్ విశ్వవిద్యాలయం (Harvard University)లో అడుగుపెట్టారు.
భారతదేశ చరిత్రలో ఒక ముఖ్యమంత్రి పదవిలో ఉండగా, అంతర్జాతీయంగా అత్యున్నత ప్రమాణాలున్న ఐవీ లీగ్ యూనివర్సిటీలో ఒక కోర్సు (course) చేయడం ఇదే ప్రథమం. అసలు ఆ కోర్సు ఏంటి? దాని ప్రత్యేకతలేంటి? రేవంత్ రెడ్డి అక్కడ ఏం నేర్చుకుంటున్నారు?
Course నేపథ్యం: లీడర్‌షిప్ ఫర్ ద 21st సెంచరీ
రేవంత్ రెడ్డి (Revanth Reddy) ఎంచుకున్న కోర్సు (course) పేరు “Leadership for the 21st Century: Chaos, Conflict, and Courage”. ఇది హార్వర్డ్ కెన్నడీ స్కూల్ (HKS) లోని ఎగ్జిక్యూటివ్ ఎడ్యుకేషన్ విభాగం నిర్వహిస్తున్న అత్యంత ప్రతిష్ఠాత్మకమైన ప్రోగ్రామ్.
ప్రస్తుత 21వ శతాబ్దంలో రాజకీయాలు, పాలన మునుపటి కంటే చాలా క్లిష్టంగా మారాయి. మునుపెన్నడూ లేని విధంగా సమాచార విప్లవం, సోషల్ మీడియా ప్రభావం, ఆకస్మిక రాజకీయ మార్పులు (Chaos), అంతర్గత, బాహ్య సంఘర్షణలు (Conflict) పాలనను ప్రభావితం చేస్తున్నాయి. ఇలాంటి సమయంలో ఒక నాయకుడు ధైర్యంతో (Courage) నిర్ణయాలు ఎలా తీసుకోవాలి? వ్యవస్థను ఎలా ముందుకు నడిపించాలి? అనేదే ఈ కోర్సు సారాంశం.
Courseలో ఏముంటుంది? ఏం నేర్పిస్తారు?
ముఖ్యమంత్రి వంటి ఉన్నత హోదాలో ఉన్న వ్యక్తికి ఈ కోర్సులో (course) నేర్పించే అంశాలు చాలా లోతుగా ఉంటాయి.
అడాప్టివ్ లీడర్‌షిప్ (Adaptive Leadership): వ్యవస్థలో మార్పులు వచ్చినప్పుడు నాయకుడు తనను తాను ఎలా మార్చుకోవాలి? పాత పద్ధతులకు స్వస్తి చెప్పి కొత్త సవాళ్లను ఎలా ఎదుర్కోవాలనేది ప్రధానాంశం.
క్రైసిస్ మేనేజ్‌మెంట్ (Crisis Management): ప్రకృతి వైపరీత్యాలు, ఆర్థిక సంక్షోభాలు లేదా రాజకీయ అస్థిరత ఏర్పడినప్పుడు ప్రజల్లో భయాందోళనలు కలగకుండా, ప్రశాంతంగా సమస్యను ఎలా పరిష్కరించాలో నేర్పుతారు.
ప్రజా ప్రాతినిధ్యం & సమీకరణ: అధికారం ద్వారా కాకుండా, ప్రజల విశ్వాసం ద్వారా వారిని ఒక లక్ష్యం వైపు ఎలా నడిపించాలి? విభిన్న భావజాలాలు కలిగిన సమూహాలను ఎలా ఏకతాటిపైకి తీసుకురావాలనేది ఇక్కడ కీలక పాఠం.
కేస్ స్టడీస్: గడిచిన 100 ఏళ్లలో ప్రపంచవ్యాప్తంగా వివిధ దేశాల నేతలు తీసుకున్న కఠిన నిర్ణయాలు, అవి తెచ్చిన ఫలితాలను విశ్లేషిస్తారు.
ఈ కోర్సులో ఎవరైనా చేరవచ్చా?
హార్వర్డ్ కెన్నడీ స్కూల్‌లో ఈ కోర్సులో సీటు దక్కించుకోవడం అంత సులభం కాదు. దీనికి కఠినమైన వడపోత ఉంటుంది.
అర్హతలు: దరఖాస్తుదారు కనీసం 15-20 ఏళ్ల పని అనుభవం కలిగి ఉండాలి. అది కూడా నిర్ణయాధికారం ఉన్న ఉన్నత హోదాలో ఉండాలి.
ప్రొఫైల్ స్క్రీనింగ్: అభ్యర్థి గతంలో చేపట్టిన పనులు, వారు సమాజంపై చూపిన ప్రభావం (Impact) ఆధారంగా ఎంపిక చేస్తారు.
డైవర్సిటీ: ఒకే రకమైన వ్యక్తులు కాకుండా, ప్రపంచంలోని వివిధ దేశాల నుంచి, వివిధ రంగాల (రాజకీయ, సైనిక, కార్పొరేట్) నుంచి ప్రతినిధులను ఎంపిక చేస్తారు. రేవంత్ రెడ్డి (Revanth Reddy) తన రాజకీయ నేపథ్యం, తెలంగాణ ముఖ్యమంత్రిగా చేపట్టిన సంస్కరణల వివరాలను దరఖాస్తులో పేర్కొన్న నేపథ్యంలో ఆయనకు ఈ అవకాశం దక్కింది.
కోర్సు ఫీజు వివరాలు
హార్వర్డ్ వంటి యూనివర్సిటీలో (Harvard University) శిక్షణ అంటే అది ఖర్చుతో కూడుకున్న వ్యవహారమే.
ఫీజు: ఈ వారం రోజుల ఎగ్జిక్యూటివ్ ప్రోగ్రామ్ కోసం ఫీజు సుమారు 10,000 డాలర్ల నుంచి 12,000 డాలర్ల వరకు ఉంటుంది. మన కరెన్సీలో దాదాపు రూ. 8.5 లక్షల నుండి రూ. 10 లక్షలన్నమాట.
ఇతర ఖర్చులు: దీనికి అదనంగా ప్రయాణ ఖర్చులు, అక్కడ స్టే వంటివి ఉంటాయి. ఈ కోర్సు కోసం రేవంత్ రెడ్డి స్వయంగా తన సొంత ఖర్చులతో వెళ్లడం విశేషం.
Revanth Reddy దినచర్య ఎలా ఉంటుంది?
ముఖ్యమంత్రి హోదాలో ఉన్నప్పటికీ, హార్వర్డ్ క్యాంపస్‌లో రేవంత్ రెడ్డి (Revanth Reddy) ఒక సాధారణ విద్యార్థిగానే గడపాల్సి ఉంటుంది.
సెషన్స్: ఉదయం 8 గంటల నుంచి సాయంత్రం 6 గంటల వరకు వరుసగా లెక్చర్స్, గ్రూప్ డిస్కషన్స్ ఉంటాయి.
హోం వర్క్ & అసైన్‌మెంట్స్: ప్రతిరోజూ ఇచ్చిన కేస్ స్టడీస్‌ను చదివి, మరుసటి రోజు చర్చలో పాల్గొనాలి. రేవంత్ రెడ్డి తన క్లాస్ మేట్స్‌తో కలిసి క్యాంటీన్‌లో భోజనం చేయడం, లైబ్రరీలో గడపడం వంటి ఫొటోలు ఇప్పటికే సామాజిక మాధ్యమాల్లో వైరల్ అయ్యాయి.
గ్రూప్ వర్క్: వివిధ దేశాల నుంచి వచ్చిన మంత్రులు, అధికారులతో కలిసి టీమ్ వర్క్ చేయాల్సి ఉంటుంది. దీనివల్ల అంతర్జాతీయ స్థాయిలో పాలనాపరమైన సంబంధాలు మెరుగుపడతాయి.
గతంలో ఇక్కడ ఎవరెవరు చదువుకున్నారు?
హార్వర్డ్ కెన్నడీ స్కూల్ (HKS) ప్రపంచ ప్రసిద్ధ నాయకులకు పుట్టినిల్లు. ఇక్కడ ఎంతోమంది ప్రముఖులు చదువుకున్నారు.
జాన్ ఎఫ్. కెన్నడీ: అమెరికా మాజీ అధ్యక్షుడు (ఆయన పేరు మీదనే ఈ స్కూల్ ఉంది).
బరాక్ ఒబామా: అమెరికా మాజీ అధ్యక్షుడు.
లీ షీన్ లూంగ్: సింగపూర్ ప్రధాని.
బాన్ కీ మూన్: ఐక్యరాజ్యసమితి మాజీ సెక్రటరీ జనరల్.
భారతదేశం నుండి రాహుల్ గాంధీ, పి. చిదంబరం, జయంత్ సిన్హా వంటి వారు కూడా హార్వర్డ్ పూర్వ విద్యార్థులే.
ఈ కోర్సు వల్ల కలిగే ప్రయోజనం ఏంటి?
ముఖ్యమంత్రి ఒక వారం పాటు రాష్ట్రానికి దూరంగా ఉండి ఈ కోర్సు చేయడం వల్ల కలిగే ప్రయోజనాలు ఏంటనే అంశంపై చాలమంది చర్చించుకుంటున్నారు.
పాలనా సంస్కరణలు: ప్రపంచ స్థాయి నాయకత్వ మెళకువలు నేర్చుకోవడం వల్ల రాష్ట్రంలో క్లిష్టమైన సమస్యలను ఉదాహరణకు మూసీ పునరుద్ధరణ, ఆర్థిక సవాళ్లు ఎదుర్కోవడంలో కొత్త దృక్పథం లభిస్తుంది.
అంతర్జాతీయ నెట్‌వర్కింగ్: ఇక్కడ రేవంత్ రెడ్డికి పరిచయమయ్యే ఇతర దేశాల ప్రతినిధులు భవిష్యత్తులో తెలంగాణకు పెట్టుబడులు లేదా సాంకేతిక సహకారం అందించేందుకు వారధిగా మారుతారు.
బ్రాండ్ ఇమేజ్: ఒక రాష్ట్ర ముఖ్యమంత్రి హార్వర్డ్ వంటి చోట శిక్షణ పొందడం వల్ల, అంతర్జాతీయ స్థాయిలో తెలంగాణ ఇమేజ్ పెరుగుతుంది. “అప్‌డేటెడ్ లీడర్” అనే ముద్ర పడుతుంది.
రాజకీయాల్లో ప్రత్యర్థులపై విమర్శలు, సభల్లో ఆవేశపూరిత ప్రసంగాలు చేసే రేవంత్ రెడ్డి.. ఇప్పుడు నిశ్శబ్దంగా హార్వర్డ్ క్లాస్ రూమ్ లో కూర్చుని పాఠాలు వినడం చూస్తుంటే, ఆయన తన రాజకీయ ప్రయాణంలో తదుపరి స్థాయికి సిద్ధమవుతున్నారని స్పష్టమవుతోంది. “నిరంతర విద్యార్థిగా ఉండటమే నిజమైన నాయకత్వ లక్షణం” అని ఆయన నిరూపిస్తున్నారు. జనవరి 30న ఈ కోర్సు ముగియనుంది. ఆ తర్వాత రేవంత్ రెడ్డి (Revanth Reddy) తిరిగి వచ్చి, హార్వర్డ్ పాఠాలను తెలంగాణ పాలనలో ఎలా అమలు చేస్తారో వేచి చూడాలి.
