Revanth Reddy: రాజకీయాల్లో గెలుపు గుర్రాలు ఎప్పుడూ ఒకేలా ఉండవు. కానీ, వేగంగా పరిగెత్తే గుర్రాన్ని పందెంలో ఓడించడం కష్టం. సరిగ్గా ఇదే సూత్రాన్ని తెలంగాణ (Telangana) ముఖ్యమంత్రి రేవంత్ రెడ్డి (Revanth Reddy) నిజం చేసి చూపించారు. మున్సిపల్ ఎన్నికల ఫలితాలు వెలువడ్డాక ఇప్పుడు రాష్ట్రమంతా వినిపిస్తున్న ఒకే ఒక మాట.. “రేవంత్ అంటే మాటల మనిషి కాదు, చేతల మనిషి”. అగ్రెసివ్ పాలిటిక్స్కు (Aggressive Politics) ఆయన పెట్టింది పేరని, ఆ అగ్రెసివ్నెస్సే ఆయనను అధికార పీఠంపై కూర్చోబెట్టిందని ఈ ఎన్నికలు మరోసారి నిరూపించాయి.
అగ్రెసివ్నెస్: శాపమా? వరమా?
రేవంత్ రెడ్డి (Revanth Reddy) రాజకీయ ప్రస్థానాన్ని గమనిస్తే, ఆయన ఎప్పుడూ సాఫ్ట్ పాలిటిక్స్ను నమ్ముకోలేదు. ప్రత్యర్థి ఎంతటి బలవంతుడైనా సరే, ముఖం మీద కొట్టినట్టు మాట్లాడటం, ఎదురుదాడి చేయడమే ఆయన శైలి. విమర్శకులు దీనిని “బూతు పురాణం” అని, “సంస్కారహీనమైన రాజకీయాలు” అని రకరకాలుగా అభివర్ణించారు. కానీ, రేవంత్ దృష్టిలో మాత్రం ఇది “పోరాట పటిమ”. తెలంగాణ (Telangana) వంటి రాష్ట్రంలో ప్రతిపక్షాల దాడిని తట్టుకోవాలన్నా, ప్రజల్లోకి చొచ్చుకుపోవాలన్నా ఈ అగ్రెసివ్నెస్ అత్యవసరమని ఆయన నమ్మారు. తాజా మున్సిపల్ ఎన్నికల్లో కాంగ్రెస్ సాధించిన ఘనవిజయం, ఆయన అగ్రెసివ్ ధోరణికి ప్రజలు ఇచ్చిన ‘సర్టిఫికేట్’ వంటిది.
విమర్శల తుపాను.. రేవంత్ వ్యూహం!
మున్సిపల్ ఎన్నికల ప్రచారం జరుగుతున్నప్పుడు బీఆర్ఎస్ (BRS) అగ్రనేతలు రేవంత్ రెడ్డిపై (Revanth Reddy) పరుష పదజాలంతో విరుచుకుపడ్డారు. “ముఖ్యమంత్రికి పరిపాలన చేతకావడం లేదు, అన్నీ అబద్ధాలే చెబుతున్నారు, ఆరు గ్యారంటీలు అమలు చేయలేదు” అంటూ విమర్శల దాడి చేశారు. అటు ఢిల్లీ అధిష్టానం కూడా రేవంత్ పనితీరుపై అసంతృప్తితో ఉందనే ప్రచారాన్ని గట్టిగా ప్రజల్లోకి తీసుకెళ్లారు. కానీ, రేవంత్ రెడ్డి (Revanth Reddy) మాత్రం ఇవేవీ పట్టించుకోలేదు. ఆయనకు ఒకటే తెలుసు.. ఫలితమే సమాధానం చెప్పాలి! ఢిల్లీకి ఎన్నిసార్లు వెళ్లినా, అది రాష్ట్ర ప్రయోజనాల కోసమేనని, అధిష్టానం తన వెంటే ఉందన్న సంకేతాన్ని ఫలితాల ద్వారా స్పష్టం చేశారు.
బీఆర్ఎస్ కలలు.. కల్లలే!
అసెంబ్లీ ఎన్నికల తర్వాత జరిగిన పార్లమెంట్, పంచాయతీ ఎన్నికల్లో కూడా దెబ్బతిన్న బీఆర్ఎస్, ఈ మున్సిపల్ పోరును ఒక జీవన్మరణ సమస్యగా భావించింది. పట్టణ ప్రాంతాల్లో తమకు గట్టి పట్టు ఉందని, ఇక్కడ గెలిచి కాంగ్రెస్ పతనాన్ని ప్రారంభిస్తామని కేటీఆర్, హరీష్ రావు గట్టిగా నమ్మారు. అయితే, క్షేత్రస్థాయిలో పరిస్థితి వేరుగా ఉంది. రేవంత్ రెడ్డి (Revanth Reddy) సర్కార్ చేపట్టిన కొన్ని కీలక నిర్ణయాలు, ముఖ్యంగా హైడ్రా (HYDRAA) వంటి సాహసోపేతమైన చర్యలు పట్టణ ఓటర్లపై ప్రభావం చూపాయి. ఫలితంగా బీఆర్ఎస్ కోటలు ఒక్కొక్కటిగా కూలిపోయాయి. “మేము వస్తున్నాం” అన్న బీఆర్ఎస్ నినాదం, “మేము ఇక్కడే ఉన్నాం” అన్న కాంగ్రెస్ ప్రభంజనంలో కొట్టుకుపోయింది.
ఇది కూడా చదవండి : Father of Telangana : తెలంగాణ ‘జాతిపిత’ ఎవరు?
BRS ఎక్కడ తప్పు చేసింది?
బీఆర్ఎస్ (BRS) ఓటమికి ప్రధాన కారణం.. ప్రజల నాడిని పట్టుకోలేకపోవడం. అధికారం కోల్పోయిన తర్వాత కూడా అదే పాత ధోరణిలో, కేవలం విమర్శలకే పరిమితమవ్వడం ఆ పార్టీకి నష్టం చేకూర్చింది.
- అతి విశ్వాసం: గ్రేటర్ హైదరాబాద్తో పాటు ప్రధాన కార్పొరేషన్లలో తమకు తిరుగులేదని భావించడం.
- ప్రత్యామ్నాయ ఎజెండా లేకపోవడం: కాంగ్రెస్ను తిట్టడం తప్ప, తాము అధికారంలోకి వస్తే ఏం చేస్తామన్నది ప్రజలకు సరిగ్గా వివరించలేకపోవడం.
- సంస్థాగత లోపాలు: క్షేత్రస్థాయి కార్యకర్తల్లో నైరాశ్యం పెరగడం, నాయకులు పార్టీ మారుతుండటంతో క్యాడర్ చెల్లాచెదురవ్వడం.
బీఆర్ఎస్ (BRS) ఇకనైనా తన పద్ధతులను మార్చుకోవాల్సిన అవసరం ఉంది. కేవలం రేవంత్ రెడ్డి వ్యక్తిత్వాన్ని టార్గెట్ చేయడం మానేసి, నిర్మాణాత్మకమైన విమర్శలతో ప్రజలకు చేరువ కావాలి. లేకపోతే తెలంగాణ రాజకీయాల్లో ఆ పార్టీ మనుగడ ప్రశ్నార్థకంగా మారే ప్రమాదం ఉంది.
Revanth Reddy మొనగాడు!
రాజకీయాల్లో “దమ్ము” అంటే కేవలం కండబలం కాదు, గుండెబలం. తనకు ఎదురు నిలిచిన శక్తులన్నింటినీ ఎదిరించి, తన పార్టీని విజయపథంలో నడిపించిన రేవంత్ రెడ్డిని (Revanth Reddy) ఇప్పుడు అందరూ “దమ్మున్నోడు” అని కొనియాడుతున్నారు. తన సొంత జిల్లా ఉమ్మడి మహబూబ్నగర్ నుంచి మొదలుకొని, ఖమ్మం, నల్గొండ, వరంగల్ వరకు మున్సిపాలిటీలను క్లీన్ స్వీప్ చేయడం ఆయన వ్యూహరచనకు నిదర్శనం. రేవంత్ రెడ్డి కేవలం ఒక ముఖ్యమంత్రి మాత్రమే కాదు, ఒక సమర్థుడైన పొలిటికల్ ఇంజనీర్ అని ఈ ఫలితాలు చాటిచెప్పాయి.
గ్రేటర్ చేసిన హెచ్చరిక
మున్సిపల్ ఎన్నికల్లో మెజారిటీ స్థానాలను కాంగ్రెస్ పార్టీ దక్కించుకున్నా గ్రేటర్ హైదరాబాద్ చుట్టుపక్కల మాత్రం కాంగ్రెస్ పార్టీకి చిక్కలేదు. అసెంబ్లీ ఎన్నికల్లో కూడా గ్రేటర్ హైదరాబాద్ లో హస్తం పార్టీ బొక్కబోర్లా పడింది. అప్పటికి ఇప్పటికి పరిస్థితి పెద్దగా మారలేదని తేలిపోయింది. త్వరలోనే గ్రేటర్ హైదరాబాద్ పరిధిలోని మూడు కార్పొరేషన్లలో ఎన్నికలు జరగబోతున్నాయి. వాటిని దక్కించుకుంటేనే రేవంత్ రెడ్డికి (Revanth Reddy) ఫుల్ మార్కులు పడినట్లు భావించాలి. ఈ మున్సిపల్ ఫలితాలు ఇప్పటికే ఈ దిశగా ఓ వార్నింగ్ సిగ్నల్ ఇచ్చాయి.
ఇది కూడా చదవండి : Telangana Politics : తెలంగాణలో ఏ పార్టీని ‘బొంద’ పెట్టాలి?
ఇక రాజూ ఆయనే.. మంత్రీ ఆయనే!
ఒకప్పుడు కాంగ్రెస్ అంటేనే గ్రూపు రాజకీయాలకు నిలయం. కానీ, రేవంత్ రెడ్డి (Revanth Reddy) వచ్చాక పరిస్థితి మారింది. ఎన్నికల సమయంలో విభేదాలను పక్కన పెట్టి, అంతా ఒకే తాటిపైకి వచ్చేలా ఆయన చేయగలిగారు. “నేనే రాజు.. నేనే మంత్రి” అని ఢిల్లీలో ఆయన చేసిన వ్యాఖ్యలు అహంకారం కాదని, అది తన నాయకత్వంపై ఆయనకున్న గట్టి నమ్మకమని రుజువైంది. ప్రజలు కూడా రేవంత్ రెడ్డి మార్కు అగ్రెసివ్ పాలిటిక్స్కే జై కొట్టారు.
ఈ విజయంతో రేవంత్ రెడ్డిపై (Revanth Reddy) బాధ్యత మరింత పెరిగింది. పట్టణ ప్రాంతాల్లో దక్కిన ఈ విజయం, అభివృద్ధి దిశగా అడుగులు వేయడానికి ఆయనకు కొండంత బలాన్ని ఇస్తుంది. విమర్శలు చేసేవారికి, హేళన చేసేవారికి గట్టి దెబ్బ తగిలింది. ఇకనైనా ప్రత్యర్థులు రేవంత్ రెడ్డి వేగాన్ని తక్కువ అంచనా వేయకుండా, వాస్తవాలను గ్రహిస్తారని ఆశించవచ్చు.
అవును.. ఇప్పుడు తెలంగాణ (Telangana) గడ్డపై “చెప్పి మరీ కొట్టడం”లో రేవంత్ రెడ్డి ఒక కొత్త ట్రెండ్ సెట్టర్!
