గోల్డ్‌… గోల్డ్‌… గోల్డ్‌…
గత కొన్ని నెలలుగా గోల్డెన్‌ డేస్‌ అనుభవించిన గోల్డ్‌ (Gold) ఇప్పుడు కాస్త శాంతించింది. ఓ రోజు పెరుగుతూ ఓ రోజు తగ్గుతూ కన్ఫ్యూజింగ్ స్టేజ్‌లో ఉంది. సరే మరి నెక్స్ట్‌ ఇయర్‌ అంటే 2026లో గోల్డ్‌ రన్‌ ఎలా ఉండబోతోంది…? పెరుగుతుందా…? తగ్గుతుందా…? బంగారం నెక్స్ట్‌ టార్గెట్ ఏంటి…?
2025 అంతా బంగారందే… చివర్లో కాస్త తగ్గింది కానీ లేకపోతేనా ఈపాటికి టార్గెట్ లక్షా 50వేలు అంటూ పరుగులు తీసేది. ఇప్పటికీ లక్షా 30వేల దగ్గర అటూ ఇటూ ఊగిసలాడుతోంది. ఇప్పుడు అందరిలో ఒకటే కన్ఫ్యూజన్… దూకుడు కాస్త తగ్గింది కదా ఇప్పుడు కొనాలా లేక ఆగాలా అన్నది.. ఇంకా తగ్గుతుందన్న ఆశ కొందరిలో ఉంటే… ఇక పెద్దగా పెరగదు తగ్గదు అని మరికొందరు అంటున్నారు. దీంతో 2026లో గోల్డ్‌ రేట్ (Gold Rate) ఎలా ఉండబోతోందన్న చర్చ నడుస్తోంది…
Gold Prediction: 2026లో బంగారం ఎలా ఉండనుంది?
మార్కెట్‌ ఎక్స్‌పర్ట్స్‌ ప్రకారం 2026లో గోల్డ్‌ మళ్లీ పట్టుకోండి చూద్దాం అని మనల్ని సవాల్‌ చేయడం ఖాయం… అందరి అంచనాలు నిజమైతే వచ్చే ఏడాది చివరికి లక్షా 60వేల మార్కును టచ్ చేయడం గ్యారెంటీ. అంతర్జాతీయ మార్కెట్‌లో 4వేల 4వందల డాలర్లను కూడా టచ్ చేసి తర్వాత కాస్త దిగివచ్చింది. లేటెస్ట్‌ కరెక్షన్‌ను లెక్కలోకి తీసుకున్నా కూడా 2025లో బంగారం 50శాతానికి పైగా పెరిగింది. వచ్చే ఏడాది ఈ స్థాయిలో కాకపోయినా కనీసం 25శాతం పెరుగుతుందన్నది ఎక్స్‌పర్ట్స్‌ అంచనా. ఇంటర్నేషనల్‌ మార్కెట్‌లో ఔన్స్‌ గోల్డ్‌ దాదాపు 5వందల డాలర్లు పెరగొచ్చు. అంటే మన లెక్కల్లో చెప్పాలంటే 10గ్రాములు దాదాపు 15వేల వరకూ పెరగొచ్చు… మన రూపాయి ఇంకొంచెం బలహీన పడితే అది ఎక్కువగా ఉంటుంది. ఎలా చూసుకున్నా లక్షా 50వేల మార్క్‌ను అందుకోవడం మాత్రం ఖాయమన్నది ఓ అంచనా. ఇక ఈ ఏడాది లాగానే ట్రంప్‌ మరిన్ని తింగరి నిర్ణయాలు తీసుకుంటే మాత్రం పసిడిని మనం పట్టుకోవడం కష్టమే…
Gold Price : బంగారం ధర పెరగడానికి కారణాలేంటి?
బంగారం పెరగడానికి కారణాలేంటి అన్నది సింపుల్‌గా చెప్పాలంటే అంతర్జాతీయ పరిణామాలు, అమెరికా పరిస్థితులు… అమెరికాకు జలుబు చేస్తే మన బంగారానికి తుమ్ములొస్తాయి. ట్రంప్‌ నిర్ణయాలతో ప్రస్తుతం ప్రపంచమంతా కాస్త అనిశ్చిత పరిస్థితులు నెలకొన్నాయి. ఓవైపు యుద్ధాలు, మరోవైపు టారిఫ్‌ బాంబులు.. పరిస్థితి కాస్త కుదురుకున్నట్లు కనిపిస్తున్నా ఎప్పుడు ఎక్కడ ఏది రగులుకుంటుందో తెలియని పరిస్థితి. అమెరికా ఫెడ్‌ కూడా వడ్డీరేట్ల తగ్గింపుకు బ్రేక్ వేస్తున్నట్లు చెబుతున్నారు. కానీ మాంద్యం పరిస్థితులు వస్తే మాత్రం మరిన్ని కఠిన చర్యలు తీసుకోవచ్చు. అదే జరిగితే మరోసారి గోల్డ్‌ పరుగులు పెడుతుంది.
All time high : సరికొత్త రికార్డులను టచ్ చేయడం ఖాయమా?
ట్రంప్‌ దెబ్బతో ప్రపంచదేశాలు డాలర్‌కు దూరం దూరం అంటున్నాయి. ఏ పరిస్థితుల్లో అయినా సేల్ చేయగలిగేలా బంగారాన్ని నమ్ముకుంటున్నాయి. చాలాదేశాల రిజర్వ్‌లు ఒకప్పుడు డాలర్ అయితే ఇప్పుడు బంగారం ఫస్ట్ ప్లేస్‌కు చేరిపోయింది. పైగా ప్రపంచబ్యాంకులు భారీగా బంగారాన్ని కొనుగోలు చేస్తున్నాయి. దీంతో డిమాండ్‌ ఏ మాత్రం తగ్గడం లేదు. మరికొన్ని నెలల పాటు సెంట్రల్‌ బ్యాంక్‌లు గోల్డ్‌ను ఇదే స్థాయిలో కొనుగోలు చేసే అవకాశాలు కనిపిస్తున్నాయి. అంతర్జాతీయంగా ఆర్థిక అస్తవ్యస్త పరిస్థితులు, యుద్ధాల గోల, ఫెడ్‌ నిర్ణయాలతో బంగారం ధరలు ఇప్పట్లో తగ్గే అవకాశాలు లేవని గోల్డ్‌ స్ట్రాటజిస్ట్‌ జానీ టేవిస్‌ చెబుతున్నారు. UBS అంచనాల ప్రకారం అయితే ఔన్స్‌ గోల్డ్‌ 5వేల డాలర్లను టచ్ చేయవచ్చు. జేపీ మోర్గాన్‌ ఫోర్‌కాస్ట్‌ కూడా ఇదే. అంటే మన దగ్గర లక్షా 60వేలు దాటిపోతుంది. మొత్తంగా చూస్తే లాంగ్‌ టర్మ్‌లో గోల్డ్‌ ఔట్‌లుక్‌ పాజిటివ్‌గా ఉంది. అప్పుడప్పుడు ఇప్పట్లేనా గోల్డ్‌ రష్‌కు బ్రేకులు పడినా ఓవరాల్‌గా చూస్తే వచ్చే ఏడాది గోల్డ్‌ తనకే సాధ్యమైన సరికొత్త రికార్డులను టచ్ చేయడం గ్యారెంటీగా కనిపిస్తోంది.
కొందరు ఎక్స్‌పర్ట్స్‌ మాత్రం మరికొన్ని నెలల పాటు గోల్డ్‌ ఇలాగే ఊగిసలాడుతూ ఉంటుందని లెక్కలేస్తున్నారు. ప్రాఫిట్‌ బుకింగ్‌ వంటి కారణాలతో పసిడి పరుగు ఆగొచ్చని అంచనాలు వేస్తున్నారు. అయితే ఎవరూ కూడా బంగారం భారీగా దిగి వస్తుందని చెప్పడం లేదు. వీటన్నింటినీ పరిశీలిస్తే 2026 కూడా బంగారు నామ సంవత్సరం అయ్యేలానే ఉంది.
